SERBISYO
Tukuyin kung maaari kang bumili sa programa ng abot-kayang pabahay
Mayor's Office of Housing and Community DevelopmentAno ang dapat malaman
Mga kinakailangan para sa pag-apply
Ang lahat ng programa para sa abot-kayang pabahay ay mayroong mga panuntunan tungkol sa kung maaari kang mag-apply. Ang mga bibili ng tirahan ay mayroong mas maraming kinakailangan ayon sa nakadetalye sa pahinang ito.
Ano ang dapat malaman
Mga kinakailangan para sa pag-apply
Ang lahat ng programa para sa abot-kayang pabahay ay mayroong mga panuntunan tungkol sa kung maaari kang mag-apply. Ang mga bibili ng tirahan ay mayroong mas maraming kinakailangan ayon sa nakadetalye sa pahinang ito.
Ano ang gagawin
Kadalasan, maaari kang mag-apply para sa pabahay sa programa para sa bibili ng abot-kayang tirahan kung matutugunan mo ang lahat ng pamantayang nakalista sa pahinang ito.
1. Unang beses kang bibili ng tirahan
Hindi ka maaaring magmay-ari ng anumang residensyal na ari-arian saanman sa loob ng nakaraang 3 taon.
2. Karapat-dapat ang iyong kita
Ang kabuuang (gross na) kita ng iyong kabahayan bago kaltasan ng buwis ay hindi lumalampas sa Area Median Income (AMI, Karaniwang Kita sa Lugar) ng San Francisco ayon sa laki ng sambahayan at porsyento ng AMI.
Magkakaiba ang mga pagiging karapat-dapat ng kita ng iba't ibang ari-arian, pero sa pangkalahatan, ito ay 100% AMI. (Para sa 2024, ang 100% AMI para sa isang tao ay $8741 kada buwan.) Mangyaring tingnan ang bawat listahan ng pagmamay-ari sa BMR o listahan ng City Second para sa mga detalye.
3. Nakakumpleto ka ng pagbibigay ng impormasyon para sa bibili ng tirahan na inaprubahan ng MOHCD
Ang edukasyon sa pagbili ng bahay na inaprubahan ng MOHCD ay isang 2-oras na libreng programa ng oryentasyon at 6-oras na kabuuang mga workshop ng grupo na ibinibigay ng mga organisasyon sa pamamagitan ng homesanfrancisco.org.
Makikipagtulungan sa iyo nang 1-on-1 sa loob ng 2 oras ang isang tagapayo sa pabahay mula sa organisasyon kung saan ka nagsasanay. Susuriin niya ang iyong pinansyal na kasaysayan at tutukuyin ang iyong pagiging karapat-dapat mag-apply. Pamilyar ang mga tagapayo sa aming mga programa, at tutulungan kang magplano at magbadyet. Maaari kang pumili mula sa listahan ng mga non-profit na ahensya sa pagpapayo sa pabahay para sa pagmamay-ari ng tirahan.
Tingnan ang mga detalye sa pagbibigay ng impormasyon para sa bibili ng tirahan at ang mga kinakailangan, kabilang ang kung paano magparehistro.
Basahin ang Kinakailangan na Pagbibigay ng Impormasyon sa Bibili ng Tirahan at Mga Madalas Itanong para sa higit pang impormasyon tungkol sa mga kinakailangan sa pagbibigay ng impormasyon sa bibili ng tirahan at mga madalas itanong.
4. Pauna kang inaprubahan sa isang pautang sa mortgage ng tagapag-pautang na inaprubahan ng MOHCD
Titingnan ng tagapag-pautang na pinili mong makatulong ang iyong pinansyal na sitwasyon, gamit ang hanggang:
- 3 buwan ng iyong mga pinakahuling statement sa bangko
- 3 taon ng iyong pinakahuling tax return
- 3 pinakahuling paystub
Ang iyong liham ng paunang pag-apruba sa pautang sa mortgage ay dapat may petsang nasa loob ng nakalipas na 120 araw para makapag-apply para sa anumang listahan ng pagmamay-ari ng tirahan.
Tingnan ang kasalukuyang listahan ng mga tagapag-pautang na inaprubahan ng MOHCD para sa programa ng pagmamay-ari ng bahay na Mababa sa Presyo ng Merkado.
5. Mayroon kang sapat na ipon para sa mga closing cost at downpayment
Tutulungan ka ng iyong tagapayo sa pabahay na malaman kung magkano ang kakailanganin mo. Tandaan na sa mga pagbabayad ng mortgage, magkakaroon din ang iyong yunit ng buwanang bayad sa Homeowners Association (HOA) na posibleng tumaas taon-taon.
Para sa mga detalyadong kinakailangan sa pagiging karapat-dapat, sumangguni sa kasalukuyang Inclusionary Affordable Housing Program Monitoring and Procedures Manual (Manwal sa Pagsubaybay at mga Proseso ng Programang Ingklusibo para sa Abot-kayang Pabahay) (PDF). Tingnan ang seksyong may pamagat na “Programa ng Pagmamay-ari ng Tirahan na Below Market Rate (BMR, Mababa sa Presyo sa Merkado).”