Mag-apply para sa SF Shines Equipment Grant (Gawad para sa Kagamitan ng SF Shines)

Tungkol sa programa

Tinutulungan ng SF Shines Equipment Grant ang maliliit na negosyo na na mag-invest sa mga kagamitan upang makapagsimula, manatili, at lumago sa San Francisco. Ang layunin ay suportahan ang pangmatagalang tagumpay at tulungan ang mga komersyal na koridor ng ating Lungsod na umunlad.

Kailangang suportahan ng mga kwalipikadong kagamitan ay ang mga pagpapatakbo ng iyong negosyo at kailangang naaayon sa isa sa mga sumusunod na layunin:

1. Pagsisimula / Pagpapalaki / Pagpapalawak – Upang mapalaki ang kapasidad, magdagdag ng mga bagong serbisyo, mapabuti ang kahusayan, o suportahan ang paglago
2. Remediation – Upang ayusin ang mga sirang kagamitan na naglilimita sa iyong kakayahang magpatakbo
3. Compliance – Upang malutas ang bukas na Paunawa ng Paglabag (Notice of Violation, NOV) na may kaugnayan sa kagamitan sa loob ng iyong tindahan

May mga katanungan? Matuto nang higit pa tungkol sa pagiging karapat-dapat sa aming pahina ng Mga Madalas Itanong (FAQ) .

PAALALA: Dapat isama ng mga aplikante na may kaugnayan sa compliance ang kanilang numero ng reklamo para sa Paunawa ng Paglabag (Notice of Violation, NOV).

PAALALA: Ang mga aplikante na may kaugnayan sa remediation ay dapat magsama ng patunay ng kanilang problema sa kagamitan (mga litrato, video, o invoice/tantiya mula sa propesyonal sa pagkukumpuni).

TANDAAN: Ang mga gastusing may kaugnayan sa ADA ay hindi karapat-dapat para sa programang ito. Sumangguni sa aming Accessible Barrier Removal Grant Program (Programang Gawad para sa Maa-access na Pag-alis ng Hadlang).

TANDAAN: Ang Lungsod ang may tanging pagpapasya sa pagtukoy ng mga gagawaran.

MANGYARING BASAHIN BAGO MAG-APPLY

1. HUWAG bumili ng kagamitan hangga’t ikaw ay hindi pa inaawtorisahan.
   1. Hindi isasaalang-alang ang mga pagbili bago mo natanggap ng abiso.
2. Kung ikaw ay maaaprubahan, mayroon kang hanggang Mayo 8, 2026, para bilhin ang iyong kagamitan.
   1. Hahawakan namin ang pagpopondo para sa bawat aprubadong negosyo sa panahon ng pagbili.
3. Kailangan ay kaya mong bayaran ang buong gastos sa simula.
   1. Kung hindi mo mabayaran ang kagamitan bago maibalik ang ibinayad mo, maaaring hindi angkop ang programang ito para sa iyong negosyo.
4. Ang mga aplikasyon ay susuriin batay sa epekto, pagkaapurahan, at estratehiya .
   1. Ang mga makatutugon sa pinakamababang limitasyon ng pagsusuri ay aanyayahan na magpatuloy. Limitado ang pagpopondo.

Nauunawaan namin na maaaring mahirap para sa maliliit na negosyo ang pagsagot sa mga gastos. Kung wala ka pang makukuhang pondo sa kasalukuyan, maaaring mayroon ka pa ring mga opsyon. Pinipili ng ilang negosyo na makipagtulungan sa tagapagpautang upang makakuha ng panandaliang pagpipinansya, tulad ng pautang para sa maliit na negosyo o line of credit. Nag-aalok ang Lungsod ng impormasyon tungkol sa mga opsyon sa pagpapautang at paghiram dito: Mga Mapagkukunan para sa Maliliit na Negosyo

TANDAAN: Ang hindi pagsunod sa mga deadline ng programa ay maaaring magresulta sa pagbawi sa iyong gawad.

Hakbang 1: Tingnan ang pagiging karapat-dapat

Maaaring mag-apply sa programang ito ang mga tindahan ng maliliit na negosyo saanman sa lungsod. Ang mga negosyo sa mga itinalagang kapitbahayan na mabab ang kita ay bibigyan ng priyoridad at bubuo sa 70% ng lahat ng mga gawad. Ang natitirang 30% ng mga gawad ay mapupunta sa mga negosyo saanman sa lungsod.

Ang lahat ng biniling kagamitan ay dapat naaayon sa isa sa tatlong kategoryang ito: Pagsisimula/Pagpapalawak, Remediation, o Compliance.

Ang mga karapat-dapat na negosyo ay kailangang:

• Matatagpuan sa loob ng tindahan sa unang palapag na nakaharap sa kalye na nagbebenta ng mga produkto at serbisyo sa publiko
• Magkaroon ng mas mababa sa $5M na kabuuang kita sa iyong 2024 o 2025 tax return
• Mayroong 100 o mas kaunting empleyado
• Gumawa ng pagsusumikap na may mabuting layunin para manatili sa negosyo nang hindi bababa sa 24 na buwan pagkatapos ng pagpopondo

Hindi karapat-dapat:

Mga uri ng negosyong hindi karapat-dapat:

• Mga negosyong formula retail
• Mga negosyong matatagpuan sa loob ng mga mall
• Mga negosyong mobile o mga negosyong nakabase sa bahay
• Mga may-ari ng ari-arian (maliban kung sila rin ang may-ari ng negosyo)
• Mga loteng paradahan
• Mga institusyong panrelihiyon
• Mga opisinang medikal/para sa pangangalagang pangkalusugan
• Mga opisina sa pananalapi, seguro, o legal
• Mga non-profit na hindi kumikita

Ang mga negosyong nakatanggap ng pagpopondo mula sa alinman sa mga sumusunod na programa ay hindi karapat-dapat:

• SF Shines 2022
• SF Shines Design Referral & Construction
• SF Shines 2024
• Office of Small Business Storefront
• Geary Storefront at Folsom Storefront
• SF Shines Interior 2025

TANDAAN: Maaari pa ring maging karapat-dapat ang mga tumanggap ng SF Shines Facade 2025 at Tenderloin Facade.

Hakbang 2: Dumalo sa webinar na nagbibigay ng impormasyon [OPSYONAL]

Ang mga negosyong interesadong mag-apply sa programa ay maaaring dumalo sa opsyonal na webinar na nagbibigay ng impormasyon para matuto nang higit pa. Mag-sign up para sa sesyon (sa Ingles) sa ibaba:

Pebrero 20, 2026, nang 1:00 PM

Kung kailangan mo ng suporta sa wika upang maunawaan ang programang ito, mag-email sa sa sfshines@sfgov.org .

Hakbang 3: Likumin ang mga pagtatantiya

Kailangang kasama sa mga pagtatantiya ang:

• Uri ng kagamitan
• Impormasyon tungkol sa vendor/retailer
• Presyo

TANDAAN: Mangyaring bisitahin ang aming pahina ng Mga Madalas Itanong (FAQ) upang malaman kung anong mga uri ng kagamitan ang HINDI karapat-dapat.

TANDAAN: Ang mga kagamitang binili sa nakaraan ay hindi karapat-dapat.

TANDAAN: Ang mga gastusing may kaugnayan sa ADA ay hindi karapat-dapat para sa programang ito. Sumangguni sa aming Accessible Barrier Removal Grant Program (Programang Gawad para sa Maa-access na Pag-alis ng Hadlang).

Hakbang 4: Mag-apply para sa SF Shines Equipment Grant

Ang mga aplikasyon ay susuriin batay sa epekto, pagkaapurahan, at estratehiya. Ang mga makatutugon sa pinakamababang limitasyon ng pagsusuri ay aanyayahan na magpatuloy.

Ang LAHAT ng aplikante ay kailangang i-upload ang mga pagtatantiya para sa mga kagamitang gusto nilang bilhin.

Ang LAHAT ng aplikante ay tatanungin tungkol sa:

• Pangangailangan o estratehikong dahilan para sa pagbili
• Panahon at pagpaplano
• Mga layunin para sa susunod na 1-2 taon

Ang mga aplikante ng compliance ay dapat magsumite ng:

• Numero ng reklamo sa Paunawa ng Paglabag (Notice of Violation, NOV)

Ang mga aplikante para sa remediation ay dapat magsumite ng:

• Patunay ng kanilang problema sa kagamitan (mga litrato, video, o invoice/tantiya mula sa propesyonal sa pagkukumpuni).

TANDAAN: Ang mga aplikasyon para sa compliance ang uunahin, kasunod ang mga aplikasyon para sa remediation. Matuto nang higit pa tungkol sa kung paano binibigyan ng score ang mga aplikasyon sa aming pahina ng Mga Madalas Itanong (FAQ).

TANDAAN: Pinananatili ng Lungsod ang karapatan na humiling ng karagdagang impormasyon tungkol sa iyong aplikasyon.

Ang mga aplikasyon ay dapat isumite sa Marso 6, 2026, sa ganap na 5:00 PM: MAG-APPLY NA
Naghahanap ng tulong sa aplikasyon? Makipag-ugnayan sa isa sa aming mga kasosyo sa komunidad .

Makakatanggap ka ng email ng kumpirmasyon sa pagsusumite mula sa noreply@api.sf.gov kasama ang kopya ng iyong mga sagot. Mangyaring tiyakin na ang lahat ng iyong isinumite ay tumpak at kumpleto.

TANDAAN: Tingnan ang iyong spam folder kung hindi mo natanggap ang email ng kumpirmasyon.

Hakbang 5: Bumili ng kagamitan at tumanggap ng panghuling bayad

Aabisuhan ang mga aplikante kung sila ay natanggap sa programa sa Marso 27, 2026.

Kung ikaw ay natanggap, mayroon kang hanggang Mayo 8, 2026 para bumili ng iyong kagamitan. Itatabi namin ang pagpopondo para sa bawat inimbitahan na negosyo sa panahon ng pagbili.

Kailangan mong i-upload ang:

• Resibo o binayarang invoice
• Patunay ng pagbili (statement ng bangko, statement ng credit card, o nai-cash na tseke)

TANDAAN: Hindi pinapahintulutan ang mga pagbabayad ng cash.

Ang lahat ng inimbitahang aplikante ay makakatanggap ng liham ng gawad para sa mga inaprubahang gastusin sa o bago ang Hunyo 5, 2026.

Ang mga pondo ay ipapadala sa pamamagitan ng direktang deposito pagkatapos makumpleto ang lahat ng hakbang.

TANDAAN: Pinananatili ng Lungsod ang karapatan na tanggihan ang anumang mga pagsusumite ng resibo ng mga pagbiling hindi inaprubahan.

Hakbang 6: Follow-up na survey [INIAATAS]

Pagkatapos maibigay ang mga gawad na bayad, hihilingin sa mga negosyo na kumpletuhin ang form upang magsumite ng mga larawan ng mga bagong kagamitan sa loob ng kanilang tindahan .

PAALALA: Ang mga negosyong hindi makakakumpleto ng survey ay magiging wala sa compliance ng aming departamento. Maaaring makaapekto ito sa iyong pagiging karapat-dapat para sa mga oportunidad sa pagpopondo sa hinaharap sa loob ng Office of Economic and Workforce Development. Bilang paalala, ang pagpopondo ng grant ay nasa sariling pagpapasya ng Lungsod.