Kilalanin ang mga miyembro ng pangangasiwa at pagpapayo ng DEC

Ang bawat Departamento ng Lungsod ay kailangang magbigay sa mga miyembro ng publiko ng napapanahon at malinaw na access sa mga pampublikong rekord at impormasyon sa ilalim ng Sunshine Ordinance ng San Francisco at ng California Public Records Act (Batas sa mga Pampublikong Rekord ng California)

Para sa mga katanungan tungkol sa patakaran sa paghiling ng pampublikong impormasyon ng DEC, mangyaring mag-email sa dec.publicrecords@sfgov.org

Tungkulin ng pamahalaan na paglingkuran ang publiko, magawa ang mga desisyon nito na ganap na nakikita ng publiko. Ang mga komisyon, lupon, konseho, at iba pang mga ahensya ng Lungsod at County ay umiiral upang isagawa ang kalakarang pampubliko. Tinitiyak ng ordinansang ito na ang mga deliberasyon ay isinasagawa sa harap ng mga tao at bukas para suriin ng mga tao ang mga pagpapatakbo ng Lungsod. Para sa impormasyon tungkol sa iyong mga karapatan sa ilalim ng Sunshine Ordinance (Kabanata 67 ng San Francisco Administrative Code) o upang mag-ulat ng paglabag sa ordinansa, mangyaring makipag-ugnayan sa Administrador ng Task Force sa Sunshine Ordinance .

City Hall – Room 244 1 Dr. Carlton B. Goodlett Place
San Francisco, CA 94102-4683
415-554-7724 (Office) | 415-554-7854 (Fax)
E-mail: SOTF@sfgov.org

Puwedeng makuha ang mga kopya ng Sunshine Ordinance mula sa Klerk ng Sunshine Task Force, sa Pampublikong Aklatan ng San Francisco at sa website ng Lungsod sa www.sfgov.org. Ang mga kopya ng mga nagpapaliwanag na dokumento ay mababasa ng publiko online sa http://www.sfbos.org/sunshine o, kapag hiniling sa Sekretarya ng Komisyon, sa address o numero ng telepono sa itaas.

Alinsunod sa Ordinansa sa Pag-access Gamit ang Wika (Kabanata 91 ng San Francisco Administrative Code), magkakaroon ng mga tagasalin sa mga wikang Tsino, Espanyol, at/o Filipino (Tagalog) kapag hiniling. Puwedeng isalin ang mga Tinalakay sa Pagpupulong, kung hiniling, pagkatapos mapagtibay ang mga ito ng Komisyon. Puwedeng tuparin ang tulong sa mga karagdagang wika kapag posible. Upang humiling ng tulong sa mga serbisyong ito, mangyaring makipag-ugnayan sa Sekretarya ng Komisyon na si Arianna Cruz-Sellu sa arianna.cruz-sellu@sfgov.org nang hindi bababa sa 48 oras bago ang pagdinig. Tutuparin ang mga nahuling kahilingan kung posible.

Ang mga pagdinig ng Children and Families Commission (Komisyon para sa mga Bata at Pamilya) at ang mga pagdinig ng Early Childhood Community Oversight and Advisory (Pangangasiwa Pagpapayong Pangkomunidad sa Unang Yugto ng Pagkabata) ay isinasagawa sa 1650 Mission Street, ika-3 palapag, San Francisco. Ang gusali at silid ng pagpupulong ay maa-access ng wheelchair. Mayroong remote na pakikilahok ng publiko kapag hiniling para sa mga indibidwal na hindi makakadalo sa personal dahil sa kapansanan. Ang paghiling upang makasali nang remote nang hindi lalampas ng isang (1) oras bago ang simula ng pagpupulong ay nakakatulong sa pagtitiyak ng pagkakaroon ng link sa pagpupulong. Mayroon ding Interpretasyon sa Wikang Pasenyas kapag hiniling. Maaaring i-enable ang mga caption kung sasali nang remote.

Kung hihiling ng remote na Interpretasyon sa Wikang Pasenyas, mangyaring magsumite ng kahilingan para sa akomodasyon nang hindi bababa sa apat (4) na oras ng negosyo bago ang simula ng pagpupulong. Ang pagpapahintulot ng hindi bababa sa 48 oras ng negosyo para sa lahat ng iba pang mga kahilingan para sa akomodasyon (halimbawa, para sa iba pang mga dagdag na tulong at serbisyo) ay nakakatulong sa pagtitiyak ng pagkakaroon nito. Upang humiling ng akomodasyon, mangyaring makipag-ugnayan sa arianna.cruz-sellu@sfgov.org.

Ang mga indibidwal at entidad na mag-iimpluwensya o susubok na mag-impluwensya ng lokal na lehislatibo o administratibong aksyon ay maaaring atasan ng San Francisco Lobbyist Ordinance (Ordinansa para sa mga Nagtataguyod ng Interes sa San Francisco) [SF Campaign and Governmental Conduct Code 2.100] na magparehisto at iulat ang aktibidad ng pagla-lobby. Para sa higit pang impormasyon tungkol sa Lobbyist Ordinance, mangyaring makipag-ugnayan sa San Francisco Ethics Commission (Komisyon ng Etika sa San Francisco) sa 25 Van Ness Avenue, Suite 220, San Francisco, CA 94102, (415) 252-3100, FAX (415) 252-3112, website: sfgov.org/ethics

Ipinasa ang Proposisyon 10 ng California noong 1998. Lumikha ang Proposisyon 10 ng buwis na limampung sentibo sa bawat produkto ng ibinebentang tabako. Binuo nito ang Children and Families Commission (Komisyon para sa mga Bata at Pamilya). Kilala rin ang Commission bilang First 5 San Francisco.

Halos $500 milyon sa taunang kita ang nagmumula sa buwis sa tabako. Ang bawat county ay nakakatanggap ng pera para sa mga lokal na programa. Ang mga county ay pinopondohan batay sa bilang ng mga ipinanganganak. Ang San Francisco ay nakakatanggap ng $6 milyon bawat taon.

Noong 2022, sumapi ang First 5 San Francisco sa Office of Early Care and Education (Tanggapan para sa Maagang Pangangalaga at Edukasyon). Binuo nila ang Department of Early Childhood (Departamento para sa Unang Yugto ng Pagkabata). Pinangangasiwaan pa rin Children and Families Commission (Komisyon para sa mga Bata at Pamilya) ang mga pondo ng Proposisyon 10 ng Lungsod.

Ang apat na puwesto sa Commission ay para sa mga ahensya ng Lungsod:

• Direktor ng Pampublikong Kalusugan, o itinalaga
• Pangkalahatang Tagapamahala ng Ahensya ng Serbisyong Pantao (Human Services Agency), o itinalaga
• Miyembro ng Board of Supervisors
• Direktor ng Departamento para sa mga Bata, Kabataan at Kanilang mga Pamilya (Department of Children, Youth and Their Families) o itinalaga

Limang puwesto ang hinirang ng Board of Supervisors ng San Francisco. Ang mga ito ay may apat na taong panunungkulan. Kumakatawan ang mga ito sa mga nasasakupan sa komunidad na ito:

• Mga serbisyo ng county para sa mga bata, pampublikong kalusugan, kalusugan ng pag-uugali, o social work. O, pag-iwas at paggamot sa pang-aabuso sa sigarilyo, alkohol at/o droga
• Mga tagatanggap ng serbisyong ipinagkakaloob ng Estratehikong Plano ng County
• Mga tagapagturong may espesyalidad sa pag-unlad sa unang yugto ng pagkabata
• Mga lokal na ahensya ng mga mapagkukunan sa pangangalaga sa bata. O, ang Childcare Planning and Advisory Council (Konseho ng Pagpaplano at Pagpapayo sa Pangangalaga sa Bata)
• Mga lokal na organisasyon para sa pag-iwas o maagang interbensyon para sa mga pamilyang nanganganib
• Mga organisasyong nakabase sa komunidad para sa pag-unlad sa unang yugto ng pagkabata
• San Francisco Unified School District (Pinag-isang Distrito ng Paaralan ng San Francisco)
• Mga lokal na samahang medikal, doktor para sa bata, o obstetrik

Mayroong dalawang komite sa komisyon para sa mga Bata at Pamilya. Sinusuri ng Komite ng Programa ang pagganap ng aming mga programa. Isinasaalang-alang nito ang mga bagong inisyatiba. Pinangangasiwaan ng Piskal na Komite ang mga usaping pinansyal. Ito ang nagpaplano sa pananalapi at gumagawa ng aming taunang badyet. Sinusubaybayan din nito ang mga gastusin.