Pahayag tungkol sa mga pag-unlad na may kaugnayan sa Laguna Honda Hospital & Rehabilitation Center

SAN FRANCISCO (Agosto 15, 2022) — Pahayag na Magkasamang Inilabas ng pederal na Centers for Medicare & Medicare Services (CMS), ng California Department of Public Health (CDPH), at ng Lungsod at County ng San Francisco tungkol sa mga pag-unlad na may kaugnayan sa Laguna Honda Hospital & Rehabilitation Center (Laguna Honda):

"Lahat ng partido ay nakatuon sa pagtiyak na, anuman ang kita, ang mga taong naninirahan sa mga nursing home ay nakakatanggap ng ligtas at de-kalidad na serbisyo at suporta. Nakatuon kaming lahat sa kapakanan ng mga residente habang ang Laguna Honda ay patuloy na nagbibigay ng mga kritikal na kinakailangang serbisyo sa pangangalagang pangkalusugan para sa mahigit 600 residente."

“Habang patuloy tayong nagtutulungan, pinalalawig ng Centers for Medicare & Medicaid Services (CMS) ang pagkakaroon ng mga bayad sa Medicare at Medicaid sa pamamagitan ng pagpapahaba ng termino ng plano ng pagsasara ng Laguna Honda ng dalawang buwan, hanggang Nobyembre 13, 2022. Sa panahong ito, mananatiling nakahinto ang mga paglilipat at pagpapaalis ng mga kasalukuyang residente. Gaya ng nakagawian sa buong prosesong ito, ang mga residenteng gustong umalis sa pasilidad ay may karapatang gawin ito. Ang onsite facilitator na itinalaga ng CMS na itinalaga noong Hulyo 26, 2022, ay mananatili sa site upang makipagtulungan sa CMS, CDPH, at sa Lungsod at County ng San Francisco. Ang mga bayad sa Medicare at Medicaid para sa mga bagong admisyon sa Laguna Honda ay naantala simula noong Enero 14, 2022, at ang pansamantalang paghinto na ito ay mananatiling may bisa.”

“Magtutulungan ang CMS, CDPH, at ang Lungsod at County ng San Francisco habang patuloy na nagbibigay ang Laguna Honda ng mahahalagang serbisyo para sa mga mahihinang residente sa San Francisco.”