Harper Fortgang

Si Harper Fortgang ay nasa kanyang ikalawang termino bilang District 8 Youth Commissioner sa San Francisco Youth Commission, na hinirang ni Board President Mandelman.

Lumaki si Harper sa Distrito 8 at ngayon ay isang senior sa The Nueva School. Ang kanyang interes sa patakaran ay nag-udyok sa kanyang pag-intern sa opisina ni Supervisor Mandelman, nagsasaliksik at tumulong sa pagbuo ng isang resolusyon upang ilunsad ang isang pilot ng pampublikong EV charging sa Lungsod. Nag-intern din siya kasama si Judge Breall sa San Francisco Korte Superior, kung saan nalaman niya ang tungkol sa mga hamong kinakaharap ng mga kabataan sa juvenile dependency court at ang papel ng legal na sistema upang ipagtanggol ang mga ito. Si Harper ang lumikha at namuno sa Project Super Plants, isang grupo ng 45 na mag-aaral sa hayskul sa buong Bay Area na nagpapatakbo ng mga interactive climate module sa mga elementarya at middle school upang magbigay-inspirasyon sa youth-to-youth climate activism. Sama-sama, naabot na nila ang 4,000 na mag-aaral, kabilang ang marami sa San Francisco.

Sa SF Youth Commission, si Harper ang namumuno sa Housing, Recreation, & Transit Committee at plano rin niyang ipagpatuloy ang pagtataguyod para sa mga inisyatibo sa engagement (pakikipag ugnayan sa mga kliyenteng nasa lansangan) sa kapaligiran at sibiko ngayong termino. Umaasa siyang patuloy na makipag-ugnayan sa mga organisasyon ng kabataan at magdala ng mas maraming kabataan sa City Hall. Bilang kinatawan ng SF Youth Commission sa CA Association of Youth Commissions, patuloy din siyang makikipagtulungan sa mga kabataan sa buong estado.

Sa kanyang libreng oras, mahilig si Harper maghanap ng mga bagong lugar para sa hiking at tumuklas ng pinakamasarap na pagkaing vegetarian sa Lungsod.