Mag-apply para sa gawad para magawang maa-access ang iyong negosyo

Mga halimbawa ng karapat-dapat na proyekto

• Mga Pagpapabuti sa Pagkamaa-access ng Pasukan:
  Mga awtomatikong tagabukas ng pinto, pinipindot na buton, maa-access na pinto, maa-access na ramp
• Mga Pagpapabuti sa Pagkamaa-access ng Banyo:
  Mga hawakan, maa-access na lababo, banyo, pinto ng banyo, renobasyon sa banyo
• Mga Maa-access na Nakakabit na Gamit at Kagamitan:
  Mga maa-access na counter
• Mga Propesyonal na Serbisyo
  Mga inspeksyon ng CASp, mga serbisyong pang-arkitektura o pang-inhinyeriya

Mga singil sa konstruksyon, paggawa at permit

Kung kasama sa iyong proyekto ang konstruksyon, pagkakabit ng mga permanenteng kagamitan, gawaing elektrikal, o pagtutubero, kailangan mong kunin ang anumang kinakailangang permit.

Kung kabilang lamang sa iyong proyekto ang mga pagpapabuting tulad ng mga hawakan, pinagkukunan ng pamunas ng kamay, hawakan ng pinto, o karatula, kailangan mong magkaroon ng alinman sa :

• Permit sa gusali na nagpapakita na sumusunod ang gawain sa mga kinakailangan alinsunod sa ADA, o
• Ulat ng Sertipikadong Espesyalista sa Pag-access (Certified Access Specialist, CASp) na nagpapakita ng pagsunod sa mga kinakailangan sa ilalim ng ADA

Ang mga gastos sa konstruksyon at pag-install ay karapat-dapat lamang para sa reimbursement kung ang iyong kontratista ay magbabayad ng naaangkop na kasalukuyang sahod . Ang mga kaugnay na bayarin sa permit ay maaari ring maging karapat-dapat kapag natugunan ang mga umiiral na kinakailangan sa sahod. Matuto nang higit pa tungkol sa mga umiiral na kinakailangan sa sahod mula sa Office of Labor and Standards Enforcement .

Ang mga proyektong nakumpleto noong o pagkatapos ng Enero 1, 2025, ay maaaring maging karapat-dapat para sa pagbawi ng ibinayad.

Maaari ka ring mag-apply habang isinasagawa ang iyong proyekto sa pamamagitan ng pagsusumite ng mga tantiya o estima na may petsa sa loob ng nakaraang anim na buwan. Sa oras na makumpleto ang proyekto, hihilingin namin sa iyong magbigay ng mga nabayarang invoice, katibayan ng pagbabayad, litrato ng nakumpletong gawa, at anumang iba pang kinakailangang dokumentasyon bago maibalik ang ibinayad.

Maraming proyekto ng pagpapabuti sa pagkamaa-access ang nangangailangan ng mga permit bago masimulan ang paggawa.

Kung hindi ka sigurado kung ang iyong proyekto ay nangangailangan ng mga permit, makakatulong ang Tanggapan para sa Maliit na Negosyo (Office of Small Business).

Magpaiskedyul ng appointment kung:

• Hindi mo pa nasisimulan ang konstruksyon,
• Hindi ka sigurado kung anong mga permit ang kailangan, o
• Nagpaplano ka ng mga pagpapabuti na may kinalaman sa konstruksyon, gawaing elektrikal o pagtutubero.

Mag-iskedyul ng isang pakikipagkita sa isang permit specialist

Appointment sa Espesyalista para sa Permit

Maaari mo pang matutunan ang tungkol sa Tanggapan para sa Maliit na Negosyo (Office of Small Business) at tulong sa pagkuha ng permit sa ibaba.

Tanggapan para sa Maliit na Negosyo (Office of Small Business)

Impormasyon Tungkol sa Negosyo

• Numero ng Account sa Negosyo (Business Account Number, BAN)
• Impormasyon tungkol sa pagmamay-ari ng negosyo
• Kabuuang Taunang Kita
• Karaniwang bilang ng mga empleyado

Dokumentasyon ng proyekto

Kung ang iyong proyekto ay hindi pa nakukumpleto, isumite ang:

• Mga tantiya o estimate na may petsa sa loob ng nakaraang anim na buwan.

Kung ang iyong proyekto ay nakumpleto na, isumite ang:

• Mga Nabayarang Invoice
• Katibayan ng Pagbabayad
• Mga litrato ng nakumpletong gawa
• Impormasyon tungkol sa permit (kung naaangkop)
• Ulat ng CASp (kung naaangkop)

Ang mga proyektong nakumpleto noong o pagkatapos ng Enero 1, 2025, ay karapat-dapat para sa pagbawi ng ibinayad.

Kung nag-apply ka bago makumpleto ang iyong proyekto, hindi mo na kailangang magsumite ng isa pang aplikasyon sa oras na matapos ang konstruksyon. Makikipag-ugnayan kami sa iyo sa pamamagitan ng email na may mga instruksyon sa pagbibigay ng natitirang dokumentasyon.

Kailangang malinaw na naka-itemize ang mga pagpapabuti sa pagkamaa-access na kasama bilang bahagi ng mas malaking invoice.

Kung humihiling ng pagbabalik ng ibinayad para sa paggawa

Karapat-dapat lamang ang mga gastos sa paggawa kung binabayaran ng mga kontratista ang naaangkop na umiiral na sahod.

Maaaring kailanganin mo rin ang:

• Patunay ng umiiral na sahod ng kontratista
• Mga naka-itemize na invoice na naghihiwalay ng paggawa sa mga materyales

Matuto nang higit pa tungkol sa mga umiiral na kinakailangan sa sahod mula sa Office of Labor and Standards Enforcement .

Dapat patunayan ng mga aplikante na ang lahat ng impormasyong ibinigay sa kanilang aplikasyon ay totoo at tumpak at sumasang-ayon na sumunod sa lahat ng mga kinakailangan sa grant.

Maaaring hilingin ng OEWD sa mga tatanggap na bayaran ang lahat o isang bahagi ng mga pondo ng grant kung magbibigay sila ng materyal na mali o nakaliligaw na impormasyon, gagamit ng mga pondo para sa isang hindi aprubadong layunin, hindi matugunan ang isang mahalagang kinakailangan sa grant, o kung hindi man ay lumabag sa mga tuntunin ng kasunduan sa grant.

Ang mga tatanggap ay dapat magpakita ng mabuting pagsisikap na manatiling bukas at nagpapatakbo nang hindi bababa sa 24 na buwan pagkatapos matanggap ang pondo ng grant. Ang hindi paggawa nito ay maaaring magresulta sa paglabag sa mga tuntunin ng kasunduan sa grant.

Ang pagsusumite ng aplikasyon ay hindi garantiya ng pagpopondo. Ang mga desisyon sa pagpopondo ay ginagawa ayon sa sariling pagpapasya ng Lungsod at County ng San Francisco.

Ang mga aplikasyon ay tinatanggap nang paunti-unti hanggang sa maibigay ang lahat ng magagamit na pondo o hanggang Hunyo 11, 2027, sa ganap na 5 ng hapon , alinman ang mauna.

Ang mga aplikasyon ay sinusuri batay sa "first-come, first-served" na batayan .

Kumpletuhin ang online application at i-upload ang mga kinakailangang dokumento:

Mag-apply para sa Accessible Barrier Removal Grant

• Tatanggap ka ng awtomatikong email na nagkukumpirma ng iyong aplikasyon.
• Rerepasuhin ng OEWD ang iyong aplikasyon at maaaring makipag-ugnayan sa iyo kung kailangan ng karagdagang impormasyon.
• Kung nag-apply ka na may kasamang mga tantiya o estima, makikipag-ugnayan kami sa iyo sa oras na makumpleto mo ang iyong proyekto na may mga instruksyon sa pagsusumite ng natitirang dokumentasyon.
• Kung naaangkop, beberipikahin ng OEWD ang pagkumpleto ng permit bago maibalik ang ibinayad.
• Nilalayon naming abisuhan ang mga aplikante ng kanilang status sa loob ng 15 araw na bukas ang tanggapan.

Ang pagsusumite ng aplikasyon ay hindi naggagarantiya ng pagpopondo. Iginagawad ang pagpopondo batay sa pagiging karapat-dapat, pagkakaroon ng pagpopondo, at pagkumpleto ng lahat ng kinakailangan sa programa.