PAHINA NG IMPORMASYON

Tungkol sa kakayahang makita ang mga katangiang panlabas ng gusali

Mga halimbawang itinuturing ng SF Planning na “nakikita mula sa kalye.”

Ang hitsura ng ating mga gusali ay nakakatulong sa biswal na katangian ng San Francisco, lalo na ang mga makasaysayang gusali. Kung mayroong anumang iminumungkahing gawain ng pagpapatayo na makikita ng publiko, maaaring kailanganing repasuhin ng mga tagaplano ng Lungsod ang proyekto.

Tinatawag namin itong “nakikita mula sa kalye,” ngunit kasama rito ang kakayahang makita mula sa anumang pampublikong daanan, tulad ng:

  • Kalye
  • Eskinita
  • Park

Kapag gusto mong gumawa ng mga gawain sa panlabas ng gusali, maglakad-lakad sa paligid ng iyong gusali at kunan ng litrato ang harapan na gusto mong baguhin. Maaaring kailanganin mong i-upload ang mga litratong iyon kapag nag-a-apply para sa mga permit. Kung maaari, ang mga litrato ay hindi dapat magkaroon ng anumang bagay na nakaharang sa tanawin, upang makita namin kung ano ang gusto mong baguhin.

Ang nahaharangan ng landscaping ay “nakikita mula sa kalye” pa rin

Ang sumusunod na larawan ay nagpapahiwatig ng bintana na maituturing pa ring nakikita mula sa kalye, kahit na may mga halaman na pumipigil sa mga tao sa kalye na makita ito. Ang mga halaman ay maaaring putulin o alisin anumang oras.

A house with a red box drawn over window, where the window cannot be directly seen because a bush and tree are blocking it.

Ang hindi nakaharap sa kalye ay maaari pa ring “nakikita mula sa kalye”

Ang sumusunod na larawan ay nagpapahiwatig ng mga bintana na maituturing pa ring nakikita mula sa kalye, kahit na hindi ito direktang nakaharap sa kalye. Makikita pa rin ito ng mga taong dumadaan.

A house with a red box drawn over several windows on the side of the building that's perpendicular to the street.

Ang pagharap sa pampublikong eskinita o park ay “nakikita mula sa kalye” pa rin

Ang sumusunod na larawan ay isang harapan na maituturing pa ring “nakikita mula sa kalye,” dahil nakaharap ito sa pampublikong park.

Two facades facing Mission-Dolores Park, with many windows.

Ang likod ng gusali ay maaari pa ring “nakikita mula sa kalye”

Ang sumusunod na larawan ay harapan na maituturing pa ring nakikita mula sa kalye. Kahit na ito ay nasa likod ng gusali, makikita pa rin ito ng mga tao mula sa pampublikong kalye, sa pamamagitan ng mga bakuran na isang block ang layo.

Ang mga harapan na makikita lamang mula sa pribadong lote ay hindi itinuturing na “nakikita mula sa kalye”

The back of a two-story house visible from across the street through the backyard.

Halimbawa ng mga harapan na hindi nakikita mula sa kalye

Ang sumusunod na larawan ay nagpapakita ng mga harapan kung saan nahaharangan ng ibang mga gusali ang pampublikong tanawin mula sa lahat ng panig. Ang tanging paraan upang makumpirma ay ang paglibot sa block at pagtingin sa tanawin mula sa lahat ng kalye at kanto.

A map street view indicating entirely interior building sides not visible from the street.