Pahayag ng Abogado ng Lungsod tungkol sa mga desisyon ng affirmative action ng SCOTUS

SAN FRANCISCO (Hunyo 29, 2023) — Naglabas ang Abugado ng Lungsod na si David Chiu ng sumusunod na pahayag ngayon matapos magpasya ang Korte Suprema ng Estados Unidos na ang mga programa sa admisyon na may affirmative action sa Harvard College at sa University of North Carolina ay labag sa konstitusyon. Ang desisyon, sa kasong Students for Fair Admissions, Inc. v. President and Fellows of Harvard College, ay binabaligtad ang halos 50 taon ng naunang kaso at binabalewala ang malawakang pananaliksik na nagpapakita na ang lahat ng mga estudyante ay nakikinabang sa akademya mula sa mas magkakaiba at inklusibong mga kampus ng kolehiyo.

“Muli, binaligtad ng Korte Suprema na ito ang halos 50 taon ng naunang kaso, sa kabila ng isang malaking rekord na nagpapakita ng pagiging legal at mga benepisyo ng mga programa sa admisyon ng UNC at Harvard.”

Isa akong nagtapos sa Harvard na Asyano-Amerikano, na hindi sana mapapasailalim sa karera sa pampublikong patakaran kung hindi dahil sa isang programang affirmative action. Alam ko mula sa personal na karanasan na maaaring umunlad ang mga estudyante kapag binigyan ng pagkakataon. Alam natin na ang mga estudyante sa mas magkakaibang kampus ay nakikinabang sa akademiko at sosyal na aspeto. Lahat ng estudyante ay negatibong maaapektuhan ng mga desisyong ito.

Sa buong kasaysayan, nasaksihan natin ang isang siklo ng pag-unlad tungo sa hustisyang panlahi na agad na sinundan ng mga negatibong reaksiyon. Hindi naiiba ang sitwasyong ito. Isa lamang itong pagtatangka na iurong ang mga karapatang sibil at ang pag-unlad na nagawa nitong mga nakaraang taon.

Sa kabila ng mga desisyong ito, ang pagsasabog ng takot at mga pagtatangkang magdulot ng alitan sa pagitan ng mga komunidad ng mga may kulay ay hindi magtatagumpay. Dapat nating patuloy na tugunan ang mga hindi pagkakapantay-pantay upang matiyak na ang lahat ng mga mag-aaral ay may tunay na mga pagkakataon na makakuha ng access sa mas mataas na edukasyon.