Maghain ng reklamo sa Task Force sa Sunshine Ordinance

Tumawag, mag-email o makipag-usap sa personal sa Task Force sa Sunshine Ordinance (SOTF) upang talakayin ang iyong reklamo. Sinusuri namin kung makakatulong kami, at titingnan ang solusyon sa problema sa impormal na paraan.

Kung hindi kami makakatulong, o kung hindi namin malutas ang iyong reklamo sa impormal na paraan, kakausapin ka namin tungkol sa iyong mga legal na karapatan, ang proseso ng paghahain, at kung ano ang maaari mong asahan bilang resulta ng iyong reklamo.

Kung hindi ka namin matutulungan na malutas ang problema sa impormal na paraan, maaari kang magsumite ng isang form ng reklamo o isang liham sa SOTF. Sa iyong reklamo o liham, kailangan mong isama ang:

• Pangalan ng Departamento, Ahensiya o katawan na iyong inirereklamo.
• Pangalan ng taong humawak ng iyong kahilingan sa Departamento iyon.
  Halimbawa: Si John Smith sa Departmento ng Pulisya

Kakailanganin mo ring sumulat ng malinaw at maigsi na paglalarawan ng nangyari, at kung bakit sa tingin mo ay lumalabag ang nangyari sa mga pampublikong rekord, mga pampublikong pagpupulong, o sa Ordinansa ng Sunshine.

Dapat kasama sa iyong deskripsyon ang:

• Anong mga dokumento ang hiniling mo
• Petsa ng kahilingan
• Anong tugon ang natanggap mo
• Petsa ng tugon
• Isang paglalarawan kung paano nilalabag ng isyu ang mga pampublikong rekord o mga batas sa pampublikong pagpupulong, kabilang ang pagtukoy sa mga kaugnay na seksyon ng batas kung maaari
• Mga dokumentasyong sumusuporta sa iyong paghahabol o nagpapakita ng mga paglabag.
• Paano ka namin dapat kontakin

Maaari kaming makipagtulungan sa iyo upang matulungan kang maghain ng matibay na kaso. Gayunpaman, kung wala kaming sapat na impormasyon, maaaring hindi namin isaalang-alang ang iyong kaso.

Maaari mong isumite ang iyong reklamo online.

Maaari mo ring isumite ang iyong reklamo sa ibang paraan. Kailangan mo munang i-download ang form ng reklamo, punan ito, at isulat ang iyong reklamo.

Pormularyo ng Reklamo sa Ordinansa ng Sunshine

Pagkatapos ay alinman sa:

• Ipadala ang iyong reklamo sa sotf@sfgov.org
• I-fax ito sa 415-554-5163
• Ihatid ito sa personal sa
  Tagapangasiwa ng Task Force sa Sunshine Ordinance
  Bulwagan ng Lungsod, Silid 244
  1 Dr. Carlton B. Goodlett Place
  San Francisco, CA 94102-4683

Pagkatapos mong maghain ng reklamo, Pagrepaso namin ito upang makita kung mayroon kaming hurisdiksyon sa bagay na ito sa ilalim ng Sunshine Ordinance.

Kung matutukoy namin na mayroon kaming hurisdiksyon, maaari kaming mag-iskedyul ng pagdinig sa harap ng buong task force. Kung matutukoy namin na wala kaming hurisdiksyon, maaari kayong humiling ng muling pagsasaalang-alang sa desisyong ito sa harap ng buong task force.

Pagkatapos ng pagdinig, maglalabas ang Task Force ng isang Order of Determination na nagsasaad ng resulta ng paglilitis at anumang desisyong ginawa patungkol sa mga paglabag sa mga pampublikong rekord o mga batas sa mga pampublikong pagpupulong.