Pinipigilan ng PrEP ang HIV
- Ang PrEP ay ligtas at maaaring mabawasan ang iyong panganib na magkaroon ng HIV nang mahigit 99%.
- Ang Doxy-PEP at mga condom ay nakakatulong upang maiwasan ang iba pang mga STI.
- Pinoprotektahan ka ng mga bakuna sa mpox, hepatitis A at B, HPV (kulugo), at meningitis.
Mayroong dalawang uri ng tableta
- Sa pag-inom ng PrEP bilang pang-araw-araw na tableta, mayroon kang 2 opsyon: Truvada o Descovy.
- Magrerekomenda ang iyong provider ng isa batay sa iyong medikal na kasaysayan at sa anong coverage ka kwalipikado.
Kailan pumuprotekta ang pang-araw-araw na PrEP
- Ang pag-inom ng PrEP bilang pang-araw-araw na tableta ay pumuprotekta sa iyo sa HIV kapag gumagawa ng anumang uri ng pakikipagtalik.
- Kung gumagamit ka ng Truvada, protektado ka rin sa HIV kapag nagtuturok ng mga droga. Hindi napag-aralan ang Descovy para sa proteksyon kapag nagtuturok ng mga droga.
Gumagana ang pang-araw-araw na PrEP para sa lahat ng kasarian
- Ang pag-inom ng 1 tableta ng PrEP araw-araw ay gumagana para sa lahat ng kasarian. Pinoprotektahan ka nito laban sa HIV anumang bahagi ng katawan ang ginagamit mo para sa pakikitalik.
- Maaari mong inumin ang PrEP kahit kung umiinom ka ng alkohol, gumagamit ng droga, gumagamit ng hormones, o gumagamit ng birth control.
Paano inumin ang PrEP bilang pang-araw-araw na tableta
1 tableta bawat araw
- Uminom ng 1 tableta araw-araw. Nagbibigay ito ng pinakamahusay na proteksyon.
Kailan nagsisimula ang proteksyon
- Kapag sinisimulan ang PrEP, inaabot ng ilang panahon para maipon ang gamot sa iyong katawan. Nagsisimula ang proteksyon sa magkakaibang oras batay sa uri ng proteksyon na kailangan mo:
- Pakikipagtalik gamit ang ari ng lalaki o puwit: hanggang 1 linggo (kung gumagamit ng Truvada at umiinom ka kaagad ng 2 tableta sa unang araw, magsisimula ang proteksyon 2 oras pagkatapos)
- Pakikipagtalik gamit ang ari ng babae/harapang butas: hanggang 1 linggo
- Kapag nagtuturok ng mga droga: hanggang 1 linggo
Paano aalalahaning inumin ang tableta
Narito ang ilang paraan upang matulungan ang sarili mong maalala:
- Subukang inumin ang tableta sa parehong oras bawat araw.
- Magtakda ng mga paalala sa pag-inom ng tableta sa iyong telepono.
- Isaalang-alang ang pagdala ng tableta kung mauubusan ka.
Nakaligtaan ang isang dosis?
- Inumin lamang ito kapag naalala mo. Kung oras na para sa susunod na dosis, inumin lamang ang susunod na dosis na iyon.
- Kung mayroon ang mga katanungan tungkol sa muling pagsisimula ng mga tabletang PrEP pagkatapos tumigil, tawagan ang iyong provider.
Mga posibleng side effect
- Ang ibang tao ay nakakaranas ng kabag, pagkahilo, o pananakit ng ulo. Nawawala ang mga sintomas na ito sa loob ng unang buwan para sa karamihan sa mga tao.
- Ang ilang gamot na PrEP ay maaaring magdulot ng maliliit na pagbabago sa paggana ng bato at densidad ng mineral sa buto, o maliliit na pagbabago sa mga lipit (iyon ay, kolesterol).
Pagpapanatili ng suplay ng iyong tableta
- Hindi laging awtomatiko ang mga refill. Kontakin ang iyong parmasya kapag 7 na lamang ang iyong natitirang tableta upang hindi ka maubusan.
- Bago bumiyahe, ipaalam sa iyong provider ng pangangalagang pangkalusugan at parmasya na maaaring kailanganin mo ang karagdagang refill.
Gastos
- Ang PrEP bilang tableta ay libre para sa karamihan sa mga tao.
- Kung mayroon kang mga babayaran para sa gamot na PrEP, maaaring makatulong ang mga programang tulong na sagutini ang mga ito.
- Para sa tulong, makipag-ugnayan sa City Clinic PrEP line sa 628-217-6692.
Pagsusuri ng laboratoryo
- Bago simulan ang PrEP, makukuha mo ang mga pagsusuri para sa HIV, mga Sakit na Nakukuha sa Pakikipagtalik (mga STI), paggana ng bato, at hepatitis B at C.
- Kapag umiinom ng PrEP, regular kang susuriin para sa HIV at mga STI. Regular ding susuriin din ang paggana ng iyong bato at/o lipid, depende sa kung anong tableta ang iniinom mo.
Paglipat sa o pag-inom ng PrEP
Paglipat sa uri ng iyong PrEP o pagtigil sa PrEP
- Kung gusto mong tumigil sa pag-inom ng pang-araw-araw na PrEP, makipag-usap sa provider ng pangangalagang pangkalusugan tungkol sa iba pang mga opsyon upang maiwasan ang HIV. Maaari kang lumipat sa pag-inom ng mga tabletang PrEP sa iskedyul ng 2-1-1 o pag-inom ng PrEP bilang bakuna, o puwede kang gumamit ng condom.
- Kung ganap na ititigil ang PrEP, uminom ng kahit sapat na pang-araw-araw na dosis pagkatapos ng iyong huling pakikipagtalik upang maprotektahan sa HIV:
- Pakikipagtalik gamit ang ari ng lalaki o puwit: 2 pang-araw-araw na dosis
- Pakikipagtalik gamit ang ari ng babae/harapang butas: 7 pang-araw-araw na dosis
Kung ikaw ay nakipagtalik nang walang condom habang hindi gumagamit ng PrEP
- Tawagan ang iyong provider sa loob ng 72 oras para sa PEP.
- Magpasuri para sa HIV sa lalong madaling panahon kapag muling sinisimulan ang PrEP. Natutulungan ka nitong matiyak ang iyong HIV status pagkatapos tumigil sa pag-inom ng PrEP. Ang PrEP ay inirerekomenda lamang para sa mga taong negatibo sa HIV.
Higit pang mga mapagkukunan para sa PrEP
Maghanap ng PrEP sa San Francisco
Kumuha ng PrEP sa anyo ng tableta o bakuna sa City Clinic. O maghanap ng mas marami pang maraan upang makakuha ng PrEP sa San Francisco.
Paghambingin ang iyong mga opsyon para sa PrEP
Ang apat na gamot ay inaprubahan ng FDA para sa PrEP. Paghambingin ang iyong mga opsyon para sa PrEP upang magpasya kung alin ang tama para sa iyo.
Ang impormasyong ito ay ipinagkakaloob ng San Francisco City Clinic. Bisitahin ang aming homepage sa sf.gov/cityclinic.
Ang impormasyon sa pahinang ito ay huling nirebisa noong Pebrero 19, 2026