Tungkol sa itinuturok na paggamot para sa HIV: lenacapavir

Ang lenacapavir ay ligtas

Ang itinuturok na paggamot para sa HIV ay ligtas at mabisa sa pagkontrol ng HIV.

2 dosis lamang kada taon

Ginagamit kasama ang iba pang mga gamot, tableta o bakuna sa paggamot para sa HIV.

Nagpapatuloy na paggamot, hindi lunas

Ang lenacapavir ay isang nagpapatuloy na paggamot, hindi lunas. Kailangang patuloy mong gamitin ito upang makontrol ang HIV.

Ano ang lenacapavir

Ang lenacapavir ay ang generic na pangalan ng itinuturok na gamot na ginagamit para gamutin ang HIV.
Ang lenacapavir ay hindi kumpletong plano ng paggamot para sa HIV. Kailangang gamitin ito kasama ang iba pang mga gamot upang magamot ang HIV, tulad ng:
- Mga tableta na iniinom araw-araw
- Mga itinuturok na paggamot para sa HIV
Ang mga bakunang lenacapavir (mga iniksyon) ay mas nagtatagal sa katawan kaysa sa mga pang-araw-araw na tableta.
Maaaring narinig mo nang tinawag itong LEN (binibigkas bilang “len”). Ang pangalan ng tatak para sa paggamot para sa HIV ay Sunlenca. Kapag ito ay iniinum ng mga tao upang maiwasan ang HIV (PrEP), ang pangalan ng tatak ay Yeztugo.

Makukuha mo ang bakuna sa medikal na klinika.
Nakukuha ng iyong klinika ang gamot mula sa may espesyalidad na parmasya. Hindi mo ito kailangang kunin sa parmasya.
2 bakuna ang ituturok sa ilalim ng iyong balat, kadalasan sa bahagi ng iyong tiyan (puson).

Upang magsimula, kukuha ka ng 2 bakuna at iinom ng 2 tableta. Sa sumunod na araw, iinom ka ng 2 pang tableta. Pagkatapos magsimula, tatanggap ka lamang ng bakuna kada 6 na buwan.
Kung mayroon ka ring iba pang itinuturok na paggamot para sa HIV, puwede mong kasabay na makuha ang bakunang lenacapavir.
Puwede mong makuha ang bakuna nang hanggang 14 na araw bago o 14 na araw pagkatapos ng takdang petsa ng iyong iniksyon.

Puwedeng magreseta ang iyong provider ng mga “iniinom na pang-backup” na tableta na lagi mong handa sakaling makaligtaan mo ang bakuna.
Agad na ipaalam sa iyong klinika kung hindi ka makakapunta kapag dapat nang magpabakuna. Karamihan sa mga provider ay magpapainom sa iyo ng iyong mga iniinom na pang-backup hanggang sa makuha mo ang susunod na bakuna.
Kung nahuli ka, ipapaalam sa iyo ng iyong medical team ang susunod na gagawin.

Magpa-appointment para sa iyong susunod na bakuna bago ka umalis ng klinika.
Panatilihing napapanahon ang iyong klinika sa impormasyon sa numero ng iyong cell phone, email, at kung saan ka nakatira.
Magtakda ng paalala sa iyong telepono para sa iyong susunod na bakuna.
Mag-sign up para sa patient portal ng klinika online (MyChart) at i-on ang mga notipikasyon.
Bigyan ang iyong klinika ng pang-backup na tatawagan sakaling hindi ka nila makontak.

Sa oras na magkaroon ka ng hindi matukoy na viral load (pagsukat sa virus) habang iniinom ang gamot para sa HIV nang hindi bababa sa 6 na buwan, wala nang anumang panganib ng pagkahawa sa HIV kapag ikaw ay nakipagtalik. Ito ay nangangahulugang "undetectable equals untransmittable" (“hindi matukoy katumbas ng hindi makakahawa”), o U=U.
Alamin pa ang tungkol sa U=U.

Ang mga karaniwang side effect ay pananakit at pamumukol (nodule) kung saan ka binakunahan.
Ang bukol ay imbakan ng gamot (“depot”) sa taba sa ilalim ng balat na dahan-dahang naglalabas ng gamot sa loob ng 6 na buwan. Karamihan sa mga tao ay may depot na tumatagal nang humigit-kumulang 1 taon. Kahit na hindi mo ito makita o maramdaman, epektibo pa rin ang gamot.
Huwag masahihin o pisilin ang depot.
Puwede mong gamutin ang pananakit sa pamamagitan ng mga cold pack at uminom ng ibuprofen o acetaminophen (pampaalis ng pananakit).
Kabilang sa iba pang mga side effect ang pangangati, pamamaga, o pamumula kung saan ka binakunahan.
Makipag-ugnayan sa iyong medical team kung nagkaroon ka ng mainit at masakit na pamamaga o iba pang mga sintomas na ipinag-aalala mo.

Kung hindi mo gusto ang bakuna, kausapin ang iyong medical team. Kakailanganin mong patuloy na uminom ng iba pang mga gamot upang gamutin ang HIV.
Kung hindi mo iinumin ang gamot para sa HIV gaya ng inirereseta araw-araw pagkatapos itigil ang bakunang lenacapavir, puwedeng labanan ng HIV ang maraming gamot sa HIV. Puwedeng gawin nitong mas kumplikado ang paggamot ng HIV.

Saklaw ng Medi-Cal, Medicare, at karamihan sa mga pribadong health insurance plan ang lenacapavir.
Ang mga tao sa San Francisco na walang insurance o nasa Healthy SF ay makakakuha rin ng lenacapavir.
Ang California ADAP ay makakatulong sa pagbabayad ng mga gastos sa gamot at pagbisita sa doktor, kung kailangan.

Mahalagang magpabakuna sa oras. Maaaring hindi makapag-alok sa iyo ang iyong medical team ng itinuturok na paggamot para sa HIV kung hindi ka regular na makakarating sa klinika.
Ang ilang HIV ay lumalaban sa lenacapavir. Magsusuri ang iyong provider at titingnan ang iyong kasaysayan ng paggamot upang malaman kung lumalaban ang iyong HIV. Kung lumalaban ito, maaaring hindi opsyon para sa iyo ang lenacapavir.
Ang ilang gamot, supplement, at drogang panlibangan ay may negatibong interaksyon sa lenacapavir. Titingnan ng iyong provider ang mga interaksyon sa gamot at mga drogang ginagamit mo.
Kung mayroon kang hepatitis B, kakailanganin mong uminom ng gamot para magamot ito. Hindi ginagamot ng lenacapavir ang hepatitis B.

Ang impormasyong ito ay ipinagkakaloob ng San Francisco City Clinic. Bisitahin ang aming homepage sa sf.gov/cityclinic.

Ang impormasyon sa pahinang ito ay huling nirebisa noong Hunyo 9, 2026