Uminom ng PEP kung ikaw ay nalantad sa HIV sa nakalipas na 72 oras
Ang PEP ay nangangahulugang pag-inom ng gamot pagkatapos makipagtalik o pagbabahagi ng mga karayom upang maiwasan ang pagkahawa ng HIV. Dapat mong simulan ang PEP sa loob ng 72 oras. Tumawag sa City Clinic para sa tulong: 628-217-6692.Pagiging Karapat-dapat
- Maaari naming magreseta ng PEP sa mga taong may iba't ibang uri ng insurance, o sa mga taong walang insurance.
- Kung mayroon kang Kaiser o Veterans Administration (VA) insurance, hindi ka namin maaaring magreseta ng PEP . Dapat mo itong makuha sa pamamagitan nila.
Gastos
- Sakop ng health insurance ang gamot na PEP. Matutulungan ka naming makakuha ng kupon na sumasaklaw sa mga copay.
- Kung wala kang insurance at natutugunan ang mga kinakailangan sa kita, maaari kang makatanggap ng libreng gamot na PEP.
Ano ang aasahan sa iyong pagbisita
- Susuriin namin kung ang PEP ay tama para sa iyo , bibigyan ka ng pagpapayo, at susuriin ka para sa HIV at iba pang mga STI.
- Kung irerekomenda namin sa iyo na uminom ng PEP, bibigyan ka namin ng 2-araw na supply ng gamot na PEP para makapagsimula kaagad. Magpapadala rin kami ng reseta sa isang botika para sa natitirang dosis.
Pumunta lang o tawagan kami para sa PEP: 628-217-6692
Sarado ang City Clinic tuwing gabi, Sabado at Linggo, at mga pista opisyal . Pagkatapos ng oras ng opisina, pumunta sa pinakamalapit na urgent care clinic o emergency room ng ospital.
Paano gumagana ang PEP
Ang PEP ay nangangahulugang pag-inom ng gamot pagkatapos ng pakikipagtalik o pagbabahagi ng karayom upang maiwasan ang pagkahawa ng HIV. Dapat mong simulan ang PEP sa loob ng 72 oras pagkatapos ng pakikipagtalik o pagbabahagi ng karayom.
Karaniwang kinabibilangan ng PEP ang pag-inom ng 1 tableta kada araw sa loob ng 28 araw. Minsan, maaaring magrekomenda ang iyong doktor ng ibang iskedyul ng pag-inom ng tableta.
Basahin ang aming PEP brochure para matuto nang higit pa
Kailangan mo ba ng PEP?
Maaaring kailanganin mo ang PEP kung:
- Nagkaroon ka ng tipo ng pakikipagtalik kung saan ang ari ay pumapasok sa loob ng anus o puwerta/butas sa harap, nang walang condom at hindi umiinom ng PrEP .
- Nagbahagi kayo ng karayom.
Hindi mo kailangan ng PEP kung:
- Gumamit ka ng condom sa buong oras ng pakikipagtalik, at hindi naman nasira ang condom.
- Uminom ka ng PrEP bago ka nahawa sa HIV, at patuloy ka pa ring umiinom ng PrEP pagkatapos.
- Alam mong sigurado na ang taong nakipagtalik ka o pinaghatiran mo ng karayom ay walang HIV.
- Alam mong sigurado na ang taong nakipagtalik ka ay may HIV at mayroong undetectable viral load sa loob ng 6 na buwan o higit pa habang umiinom ng gamot para sa HIV.
- Oral sex lang ang ginawa mo.
- Nagpa-lap dance ka, nagpa-finger, nag-hand job, o anumang ibang uri ng paghawak maliban sa pagpasok ng ari sa loob ng puwit o puwerta/butas sa harap.
Tungkol sa
Ang San Francisco City Clinic ay isang mapagkakatiwalaang mapagkukunan ng mga serbisyo at impormasyon tungkol sa kalusugang sekswal, na kilala sa aming mga bihasang propesyonal at sa aming pangakong maghatid ng mahabagin at de-kalidad na pangangalaga sa loob ng mahigit 100 taon.
Ang aming misyon ay mapabuti ang kalusugang sekswal ng aming komunidad sa pamamagitan ng pagpigil, pag-diagnose, at paggamot sa mga impeksyon na naililipat sa pakikipagtalik (STI) at HIV, at pagpigil sa hindi inaasahang pagbubuntis.
Hanapin ang lahat ng serbisyo at impormasyon ng City Clinic
Impormasyon sa pakikipag-ugnayan
Address
San Francisco, CA 94102
Monday, Wednesday, Friday
8:00 am to 4:00 pm
Tuesday
1:00 pm to 6:00 pm
Thursday
8:00 am to 11:00 am
1:00 pm to 4:00 pm
Walk-ins may end earlier for some services.
We are closed weekends and holidays.
Telepono
Pangkalahatang impormasyon
sfccpatientservices@sfdph.org