Mga karaniwang pangalan para sa mga distritong ito

Sa San Francisco, ang mga distritong ito ay pangunahing kilala bilang Community Benefit Districts (CBDs).

Sa 2025, kasalukuyang may 16 na aktibong CBD.

Ang mga CBD ay lahat pinatatakbo ng mga grupong nakabase sa kapitbahayan at pinondohan ng mga pagtatasa ng ari-arian.
Sa buong Estados Unidos, ang mga CBD ay kilala rin sa iba't ibang pangalan kagaya ng: 

• Community Improvement Districts (CIDs)
• Property Business Improvement Districts (PBIDs)
• Business Improvement Districts (BIDs)
• Business Improvement Areas (BIAs)

Pagbuo at pamamahala ng CBD sa San Francisco

Pagbuo ng CBD

Ang pagbuo ng CBD ay nangangailangan ng malakas na suporta mula sa mga may-ari ng ari-arian at negosyo.

Maaari itong maging multi-year na proseso at naka-organisa sa 3 yugto:

1. Feasibility (kakayahan) at pagpaplano
2. Pagbuo at Pakikipag-ugnayan
3. Lehislatibong awtorisasyon

Kapag naitatag ang CBD, maaaring gumawa ng nonprofit na organisasyon upang pamahalaan ito. Karamihan sa mga distrito ay may Executive Director, ngunit ang bilang ng mga miyembrong kawani ay nakasalalay sa budget at mga pangangailangan ng distrito.

Kapag nabuo ang distrito

Ang mga distrito ay may pananagutan sa pagbibigay ng mga serbisyo sa mga nasa loob ng mga hangganan nito. Kabilang dito ang mga taong nagbabayad ng mga pagtasa.

Ang Board of Directors, na binubuo ng mga may-ari ng ari-arian at negosyo at mga stakeholder ng komunidad, ay tumutulong na:

• Tiyakin ang pananagutan 
• Gabayan ang CBD batay sa mga dokumentong namamahala nito (tinatawag na plano sa pamamahala)

Ang OEWD ay nagbibigay ng pangangasiwa at teknikal na tulong.

Mga programa at serbisyo ng Community Benefit District

Pinopondohan ng CBD ang mga programa at serbisyo na tinutukoy ng mga stakeholder ng komunidad bilang mga priyoridad na lugar.

Binabalangkas ng plano ng pamamahala ng bawat distrito ang mga priyoridad ng kanilang kapitbahayan.

Karaniwang nakatuon ang mga serbisyo sa pagpapanatiling malinis at maayos ang mga pampublikong espasyo. Mahigit sa $25 milyon o 70% ng iniulat na Kita ng CBD/BID Assessment ay napunta sa Ligtas at Malinis na pagsisikap noong FY 2023-2024 . Mahigit sa 3 milyong libra ng basura ang nakolekta sa parehong panahon ng pag-uulat na ito.

Madalas ding kasama sa mga serbisyo ang kaligtasan ng publiko, pag-unlad ng ekonomiya, at marketing sa kapitbahayan.  

Pagpopondo para sa mga serbisyong ito

Pinopondohan ng mga may-ari ng ari-arian ang mga CBD sa pamamagitan ng karagdagang pagtatasa.

Lahat ng may-ari ng ari-arian sa loob ng CBD ay sumasailalim sa mga pagtatasang ito.

Maaari ding makalikom ng pondo ang CBD at mag-apply para sa mga gawad.
Ang mga budget ay nakadepende sa kung gaano kalaki ang distrito at ang mga uri ng serbisyong ibinibigay nito.

Mga distritong partikular sa sektor

Bilang karagdagan sa mga distritong nakapokus sa kapitbahayan, ang San Francisco ay may 2 distritong partikular sa sektor, ang Tourism Improvement District (TID) at Moscone Expansion District (MED).

Ang mga pagtatasa sa kita ng hotel room ang nagpopondo sa mga distritong ito. Ang SF Travel ay tumatanggap ng bahagi ng mga pondong ito upang suportahan ang kanilang gawaing nagpo-promote ng San Francisco.

Ang Moscone Convention Center ay tumatanggap din ng mga pondo upang suportahan ang pagpapalawak nito at pagpapanatili ng mga pasilidad nito sa convention

Mga mahahalagang katotohanan tungkol sa mga CBD

Sinasaklaw ng mga CBD sa San Francisco ang 20% ​​ng lahat ng lupain sa lungsod na naka-zone na commercial

Mula noong 2015, 7 CBD ang lumawak o nag-renew, at 6 na bagong distrito ang nabuo

Pinapanatili ng mga CBD ang 37 na pampublikong plaza, parke, at mga lugar na pagtitipon sa buong lungsod

Karagdagang 35 na mga proyekto sa pagpapaganda ang nakumpleto ng CBD sa FY 2023-2024

Noong FY 23-24, sinuportahan ng CBD ang 850 na kaganapan sa komunidad

Pag-unlad ng ekonomiya

Ang mga pinuno ng Lungsod at CBD ay lumikha ng action plan upang bigyan ng bagong buhay ang Union Square at Yerba Buena, mga nangungunang lugar para sa shopping at hospitality sa Lungsod.

Ang mga pakikipagsosyong tulad nito ay isang pangunahing halimbawa ng aksyon sa pag-unlad ng ekonomiya. Pinalalakas nila ang lokal na ekonomiya at pinapahusay ang kapakanan ng komunidad.

Sa kasong ito, nakakamit ito sa pamamagitan ng:

• Pagsuporta sa kasalukuyang sining, kultura, at negosyo
• Paglulunsad ng mga bagong inisyatiba sa pag-akit ng mga bisita at lumikha ng makulay na mga pampublikong lugar

Pag-champion sa mga komunidad

Ang mga CBD ay kadalasang tumutulong sa pagsasama-sama ng mga tao upang gumawa ng mga proyekto sa kapitbahayan.

Halimbawa, ang Tenderloin CBD ay nakipagsosyo sa SFMTA upang tumulong sa pag-orgnisa ng komunidad sa panahon ng Tenderloin Traffic Safety Improvements Project.

Ang pakikipagsosyong ito ay nagbigay ng pagkakataon sa komunidad sa pakikisalamuha nito sa pagtukoy sa mga isyu sa trapiko at bumuo ng mga solusyon para sa lahat, na gawing mas ligtas ang mga lansangan. 

Marketing sa kapitbahayan

Ang marketing ay gumaganap ng isang mahalagang papel sa pagpapaunlad ng pagkakakilanlan ng komunidad.

Halimbawa, ang makulay na mga banner ng kalye ng Japantown CBD ay nakakatulong higit pa sa pagtulong sa pag-navigate. Lumilikha sila ng pakiramdam ng lugar na umaakit ng mga bisita at nagpapatibay sa pagmamalaki ng kapitbahayan.

Tumutulong din sila sa pagpapatupad ng mga layunin sa marketing sa Lungsod at komunidad na tinukoy para sa Japantown sa Cultural, History, Housing & Economic Sustainability Strategy (JCHESS) (PDF).