Mag-ulat ng problema sa shelter sa San Francisco

Kung ikaw ay nasa isang shelter sa San Francisco at nakakita ng isang bagay na hindi ligtas o hindi patas, maaari kang magsampa ng reklamo sa Shelter Monitoring Committee. Kakailanganin mong sabihin sa amin:

• Kung saan nangyari ang problema
• Kung kailan ito nangyari
• Kung sino ang sangkot

Hihingin namin ang iyong pangalan at mga detalye sa pakikipag-ugnayan. Hindi mo kailangang ibigay sa amin ang iyong pangalan. Kung ibibigay mo sa amin ang iyong pangalan, maipapaalam sa iyo kung ano ang nangyari sa iyong reklamo.

Maaari ka ring magsampa ng reklamo sa pamamagitan ng pagtawag, pag-email o pagpunta sa pagpupulong ng komite. 

Pagkatapos mong ihain ang iyong ulat, may 7 araw ang shelter para tumugon.

Kung nasiyahan ka sa tugon ng shelter, iyon na ang katapusan ng proseso.

Kung hindi ka nasiyahan, dapat mo itong ipaalam sa amin sa loob ng 45 araw. Pagkatapos ay iimbestigahan namin ang iyong reklamo.

Ang aming imbestigasyon ang magpapasya kung ang shelter ay “in compliance” (“sumusunod”); “indeterminate” (“hindi tiyak na nakapagpasya”), o “out of compliance” (“hindi sumusunod”). Ipapaalam namin ito sa Kagawaran para sa Kawalan ng Tirahan at Sumusuportang Pabahay (Department of Homelessness and Supportive Housing, HSH). Sisiguraduhin ng HSH na ang shelter ay sumusunod sa mga pamantayan ng pangangalaga ng Lungsod.